Энэхүү журмын зорилго нь байгууллагын хүний нөөцийн хэрэгцээг хангах, шаардлага хангасан ажилтныг шударга, ил тод зарчмаар сонгон шалгаруулахтай холбоотой харилцааг зохицуулахад оршино.
Сонгон шалгаруулалтыг дараах зарчмыг баримтлан зохион байгуулна.

• Шударга, ил тод байх;
  Сонгон шалгаруулалтын бүх үе шат нээлттэй, ойлгомжтой байх бөгөөд ажил горилогчдыг ижил шалгуур үзүүлэлтээр шударгаар үнэлнэ.

• Тэгш боломж олгох;
  Ажил горилогч бүрт нас, хүйс, үндэс угсаа, шашин шүтлэг болон бусад хувийн онцлогоос үл хамааран тэгш боломж олгоно.

• Мэргэжлийн ур чадвар, хандлагыг үнэлэх;
  Ажил горилогчийн боловсрол, мэдлэг, ур чадвар, ажлын туршлага болон ажлын байрны шаардлагад нийцэх хандлагыг бодитой үнэлнэ.

• Нууцлалыг хангах;
  Сонгон шалгаруулалтын явцад цуглуулсан ажил горилогчийн хувийн мэдээлэл болон үнэлгээний үр дүнгийн нууцлалыг хадгална.

• Ялгаварлан гадуурхахгүй байх;
  Сонгон шалгаруулалтыг аливаа хэлбэрийн ялгаварлан гадуурхалтгүйгээр зохион байгуулж, зөвхөн ажлын байрны шаардлага, ур чадварт үндэслэн шийдвэр гаргана.

Сонгон шалгаруулалтын үе шат

• Сул орон тоо үүссэн шалтгаан, ажлын байрны шаардлага, шалгуурыг тодорхойлох.

• Сул орон тоог дотоод болон гадаад эх үүсвэрээр нээлттэй зарлах.

• Ирүүлсэн анкет, холбогдох баримт бичгийг ажлын байрны шаардлагатай харьцуулан үнэлэх.

• Ажил горилогчийн мэдлэг, ур чадвар, ажлын туршлага, хандлага болон байгууллагын соёлтой нийцэх байдлыг үнэлэх.

• Ажлын байрны онцлогоос хамааран мэргэжлийн мэдлэг, ур чадвар, сэтгэл зүйн тест болон бусад шаардлагатай шалгалтыг авч үнэлгээ хийнэ.

• Шаардлагатай тохиолдолд өмнөх ажил олгогч болон бусад эх сурвалжаас мэдээлэл авах.

• Сонгон шалгаруулалтын дүнг нэгтгэн үнэлж, тухайн ажлын байрны шаардлагад нийцсэн ажил горилогчийг сонгон шалгаруулна.

• Сонгон шалгаруулалтад тэнцсэн ажил горилогчид ажлын санал тавьж, саналыг хүлээн зөвшөөрсөн тохиолдолд хөдөлмөрийн гэрээ байгуулах болон ажилд авахтай холбоотой бэлтгэл ажлыг хангана.

• Ажилтныг ажилд томилж, байгууллагын дотоод журам, үйл ажиллагаа, хамт олонтой нь танилцуулах.